الضمير العربى

بسم الله الرحمن الرحيم



::: الـضـمـيـر الــعــربــي :::

أوبرت الضمير العربى
يغنى فيه حوالى 33 فنان وفنانه من جميع انحاء الوطن العربى !
من بعد الحلم العربى جاء الضمير العربى ! .. لاتعليق
لا تعليق ع السذاجه
لا تعليق ع الضمير اللى فعلآ مات
لا تعليق ع مجرد اغنيه وشويه كلمات
لاتعليق ع شويه مطربين ومطربات
لا تعليق ع كل حرف وكل كلمه بنسمعوها
لا تعليق ع مجرد ما نقفل الكاسيت ننسى كل حاجه
مش اول اغنيه نقول ونطلع فيها حماسنا !
ونقول اننا عرب وايد واحده !!
هو احنا عرب وصاحى فينا ضمايرنا بس فى الاغانى ؟؟!!
لا تعليق بجد ع الحال اللى وصلنا اليه
ناس بتتدبح وبتموت
ولا حد فينا يسمع لها اي صوت
ناس بتنام ع اصوات الرصاص والقذائف
وناس بتنام وبتحلم ولا حد فينا سامع ولا حتى حاسس
ناس اطفالها كل يوم بتموت
ناس اخواتها كل يوم بتموت
اطفال وشباب وامهات وابهات وعائلات كل يوم بتموت .. ! ناس بتصرخ ولا حد بسمع ليها صوت
ناس بتبات الليل صاحيه امهات بتنام الليل بتبكى من الحسره
اطفال طول الليل بتبكى من الرعب والخوف
ناس مش عندها اي حياه يوميه تعيشها غير انهم يدعو
غير انهم يبكو .. غير انهم يموتو .. غير انهم يستشهدو فى سبيل الله
امك ماسكنها اعداء الله بيضربوها ... !
اختك ماسكنها بيقطعو ملابسها ... !
ابوك نازلين فوقيه ضرب بالبنادق فى قلب الميدان ... !
اخوك بيدافع ان امه وابوه .. وبرصاصه من بندقيه يقضو ع حياته
ناقلات وشاحنات كل يوم وكل لحظه وكل دقيقه ناقله **ث وضحايا
منهم اخوك وامك وابوك وعمك وخالك وجيرانك واصحابك وزمايلك .... !!
لما طفل يتحرم من امه وابوه
لما طفل يموت وهو لسه عنده سنه ويموت برصاصه !
لما مدينه تتمنع منها الاكل والشرب والادويه وكل الوسائل ممنوعه !
لما مدينه بأكملها يتمنع عنها الكهربا .. يعنى مفيش نور .. يعنى مفيش اضاءئه
يعنى مفيش معيشه .. يعنى ايه يعيشو يومهم ع اضواء الشموع
وبطاريات السيارات فى المدينه !!
يعنى ظلم ظلم ظلم واستعباد .. حسبي الله ونعم الوكيل
الـضـمـيـر الـعـربــي
فين هو الضمير .. فين هى النخوه
فين الاحساس حتى بقى منعدم !!
ولا كأن فى اي حاجه بتحصل حوالينا
يقتلو فى اطفالنا وناسنا واهالينا واخوانا كل يوم واحنا عايشين حياتنا العاديه
ناكل ونشرب ونسمع اغانى ونحب ونغنى ع نفسنا فى الاخر !
تنام وفوقيك بطانيه .. واخواتك مش لاقينها هناك
تنام مرتاح البال .. واهلك مفيش نوم من القلق
اخواتك صاحيين من اصوت القذائف والرصاص فى كل مكان
رعب وخوف وقلق وحزن وكل ما تتخيله .. ! وانت ولا فى احساس ولا دم
شعوبنا نايمه فى العسل .. شعوبنا بس كلام .. شعوبنا بس اغانى
شعوبنا مفيش فعل .. مفيش اي دم ولا احساس وشعور
بقينا عبيد للخوف .. بقينا عبيد لمتعتنا
بقينا اموات الضماير الحيه فينا ..!
بقينا بنكبر .. بقينا بنقول وانا مالى .. بقينا احقر حاجه ممكن نتخيلها
على فين يا عرب .. على فين يا مسلمين ؟؟!!
على فين يا بلادنا
لحد امتى هنفضل تغنى علينا المطربين
لحد امتى هيسمعونا كلام يهزنا من جوه واحنا واقفين متكتفين .. !!
اغنيه تهزنا .. اغنيه تعذبنا .. اغنيه تلعب ع اعصابنا
اغنيه حافظين كلماتها من قبل مؤلفيها وكتابها
اغنيه عارفين هتدور حوالين ايه وهتعنى لنا ايه لما نسمعها .. !
هنسمعها ونقول الله علينا .. !
انا مش بتهم الاغنيه فى حد ذاتها انما بتهم كل ضمايرنا اللى بتخاطبها الاغانى من سنين وسنين
عملت لينا ايه ؟ وهتعمل فينا ايه ؟ انا هزتنى من جوه بجد
بس ايه معناه .. هخرج شعورى واحساسى فى توبك واتكلم واقول
هتقراءه الكلام .. هتحسوه زي .. هتكتبو رد .. !
التوبك يومين تلاته ويختفى ويضيع زي الاغانى اللى بقت زكريات .. !
انا بكتب مشاعر حقيقيه جوايا .. انا بعلن رفضى بأسلوبى .. وب اللى اقدر عليه
عندى القدره ع الكتابه .. بس معنديش القدره والسيطره ع مشاعر حد
ولا انا رئيس وحاكم وبعلن العصيان .. !
الشعب لما يتكلم .. لما يثور .. لما يعبر عن مشاعره
هيضغط ع الحكام .. هيهد اي سور .. هيكسر اي حاجز
الحكام فرد ولا اتنين .. احنا ملايين
لو فى يوم بس اتحادنا وقولنا لاء هنبقى احنا اللى فى ايدينا القرار مش حد تانى
ده توبك لواحد عربى ومسلم بيعبر فيه عن مشاعره
دى توبك هعتبره حمله .. !
شـعـارهـا
الــــضــــمــــيــــر الـــــعـــــربــــــي





لا حول ولا قوه الا بالله
منقول